Sadjásaš davvisámegielat jorgaleaddji

Sámediggi lea 1993 rájes leamaš sámi álbmotválljen parlameanta ja stáhtalaš eiseváldi.

Sámedikki doaibma lea ovddidit ealli sámekultuvrra, oassálastit servodatplánemis ja geahččat bearrái ahte sámi dárbbut váldojuvvojit vuhtii.



Sámediggi lea sámi kulturhálddašaneiseváldi. Mii galgat bargat ealli sámi kultuvrra ovddidemiin, vuolggahit doaimmaid ja evttohit bijuid mat nannejit min kultuvrra.

Barggut
Mii ohcat olbmo gii sáhttá bargat davvisámegiel-ruoŧagiel ja ruoŧagiel-davvisámegiel jorgaleaddjin. Don galggat leat resursan dievasčoahkkimiin, jorgalit dokumeanttaid ja áššebáhpiriid, ja bargat teavsttaiguin ja jorgalit min ruovttusiidui www.sametinget.se. Sáhttet maiddái leat iežá barggut. Barggus šattat mátkkoštit.

Máhtut
Dus galgá leat akademalaš oahppu sámegielas, leat hárjáneapmi dákkár bargguin ja gealbu sámi servodat- ja gielladilálašvuođain. Dus berre leat davvisámegiella eatnigiellan dahje giellagelbbolašvuohta eatnigieldásis, ja fertet bures máhttit ruoŧagiela. Mii sávvat ahte don leat hárjánan bargat almmolaš doaimmas ja/dahje politihkalaččat stivrejuvvon organisašuvnnas. Lea ánsun jus leat ovdal bargan web-reaidduiguin.

Persovnnalaš iešvuođat
Mii ohcat jorgaleaddji gii lea skihkalaš ja doaimmalaš. Don barggat iešheanalaččat ja leat dárkil, ja dutnje lea álki ovttasbargat iežáiguin. Don máhtát ja leat hárjánan gulahallat iešguđet aktevrraiguin sihke čálalaččat ja njálmmálaččat. Bargoaddi deattuha sakka du persovnnalaš iešvuođaid.

Mii fállat
Visot bargiide 2 dearvvašvuođadiimmu vahkkus, ja dearvvašvuođaruhtadoarjaga.
Sámedikkis leat maiddái hui buorit bargomátkeeavttut. Lea vejolaš oažžut gáiddusbargošiehtadusa ja mis leat njuovžilis bargoáigeeavttut.
Min bargit ožžot maiddái iežá stáhtaburiid, nugo subvenšunerejuvvon buohccidivššu, buhtadusa reseaptadálkasiid ovddas ja váhnenruhtalasáhusa.

Bargobáiki

Sámedikki kantuvrras juogo Gironis, Jåhkåmåhkkes, Deartnás dahje Staares soahpamuša mielde.  

Virgáibidjan

Olles áiggis. Sadjásaš virgi dan botta go min jorgaleaddjis lea virgelohpi, guhkimusat 2023-06-23 rádjái. Álgin: sohppojuvvo. 

Kontaktinformation
Anita Kitok, ossodathoavda giella ja oahpahus, 0980-681 98

Fágaservviid ovddasteddjiid, oaččut ságaide dustehustelefovnna , 0980-780 30

Arbetsplats
Adolf Hedinsvägen 58

981 33 Kiruna